Jambyl oblysynyń quqyq qorǵaý organdaryna taǵy bir áýe bombasynyń tabylǵany týraly habar kelip tústi, dep habarlaidy QazAqparat.
Jambyl oblystyq politsiia departamentiniń baspasóz qyzmetiniń málimetinshe, 22 aqpan kúni Baizaq aýdanynyń politsiia bólimine 29 jastaǵy turǵyn habarlasqan.
Ol Aqjar aýylynan 15 shaqyrym jerdegi qumdy aýmaqta, burynǵy áskeri poligon aýmaǵynda snariad jatqanyn jetkizgen.
«Snariad anyqtalǵan jerge tez arada politsiia departamenti men «Ońtústik» óńirlik qolbasshylyǵynyń 28349 áskeri bóliminiń saperleri jiberildi. Snariad «OFAB-100» modeliniń jaryqshaqty-fýgasty áýe bombasy ekeni anyqtaldy», - dep túsindirdi vedomstvodan.
