Jambyl oblysynda týrizm salasyna investitsiia tartý boiynsha aimaqtyq karta bekitildi. Bul týraly Ortalyq kommýnikatsiialar qyzmetinde ótken brifingte Jambyl oblysynyń ákimi Asqar Myrzahmetov aitty, dep habarlaidy "Ult aqparat".
Aimaqtyq kartaǵa 33 týristik nysan engizilip, 12 týristik baǵyt aiqyndalady.
«Qazaq handyǵynyń 550 jyldyǵyn atap ótken kezde eki hanǵa qoiylǵan eskertkish qazaq handyǵynyń taqyrybyn ashpaidy. Osy taqyrypty keńinen ashý úshin sol eskertkishtiń artqy jaǵynan qazaq tarihyn aýqymdy, júieli kórsetetin arnaiy oryn kerek. Múmkin ol murajai nemese basqa keshen. Qazir ol jaǵy jobalanýda», - deidi Asqar Myrzahmetov.
Onyń aitýynsha, bolashaqta týrizmdy damytatyn nysandar salynady.
«Onyń biri – «Tarih taný ortalyǵy», ekinshisi «Shahristan» etnomádeni kesheni. Ol jerde jiyrma ǵasyrlyq tarihymyz tasqa jazylady. Taraz - birneshe memlekettiń ortalyǵy bolǵanyn ekiniń biri bile bermeidi. Ashylatyn nysandardyń bári týrizm salasyn damytýǵa yqpal etedi», - deidi ol.
