foto: Tengrinews.kz
Belgili qazaqstandyq jýrnalist ári mediamenedjer Batyr Qazybaev baqilyq boldy, dep habarlaidy "Ult aqparat".
Batyr Qazybaevtyń dúnieden ozǵanyn QR Aqparat jáne qoǵamdyq damý ministri Asqar Ýmarov jetkizdi.
«Búgin otandyq media salasy aýyr qaiyrǵa ushyrady. Uzaqqa sozylǵan syrqattan myqty mediamenedjer, kásibi jýrnalist, áriptesimiz Batyr Qazybaev dúnieden ótti. Iri mediajobalardy júzege asyrǵan, otandyq jýrnalistikada ózindik qoltańbasy qalǵan, mektep qalyptastyrǵan áriptesimiz birazdan beri syrqat edi. Jaqyndaryna, «Alash media» ujymyna jáne jýrnalist qaýymyna qaiǵyryp kóńil aitamyn. Imany joldas bolsyn. Batyrdyń jarqyn beinesi bizdiń jadymyzda saqtalady», - dep jazdy ministr Facebook paraqshasynda.
Batyr Qazybaev - belgili qazaqstandyq jýrnalist ári jazýshy, kóp jyl boiy oblystyq jáne respýblikalyq gazetterdiń redaktsiialarynda basshylyq laýazymdarda qyzmet atqarǵan, Qazaqstan Kompartiiasy OK hatshysy bolǵan Kákimjan Qazybaevtyń uly. Ol ákesiniń jolyn qýyp, jýrnalistikany tańdap, tabysty mediamenedjer boldy.
10 jyldan astam ýaqyt quramyna Tengrinews.kz, Vesti.kz, Massaget.kz aqparattyq portaldary kiretin mediaholdingti, Juldyz FM radiostantsiiasy, Retro FM Qazaqstan, STV telearnasyn basqardy, "Jetinshi arnanyń" negizin qalady.
Ult portalynyń ujymy Batyr Qazybaevtyń týǵan-týystary men jaqyndaryna qaiǵyryp kóńil aitady.
