Reper NAVAI Qazaqstan shekarasynda ustaldy, dep habarlaidy ult.kz.

Politsiianyń málimetinshe, 13 qazanda «Qordai» ótkizý beketinde Qazaqstanǵa kirmek bolǵan NAVAI laqap atymen tanymal sheteldik azamat ustalǵan.

Ulttyq qaýipsizdik komitetiniń Shekara qyzmetimen birlesip júrgizilgen tekserý kezinde ol mingen kólikten esirtki zaty tabylyp, tárkilengen.

Atalǵan derek boiynsha esirtki kontrabandasyna oqtalý kúdigimen qylmystyq is qozǵaldy. Kúdikti ýaqytsha ustaý izoliatoryna qamalǵan. Qazir sotqa deiingi tergeý júrgizilip jatyr.

Aita keteiik, Almatylyq tanymal reperge qatysty qylmystyq is qozǵaldy.

NAVAI kim?
 

NAVAI (Navai) - ázerbaijan tekti reseilik reper ári án avtory. Shyn aty - Navai Bakirov. Ol 1995 jylǵy 2 sáýirde Reseidiń Samara qalasynda dúniege kelgen. Kópshilikke HammAli & Navai dýeti arqyly tanyldy. 2016 jyly qurylǵan dýettiń alǵashqy birlesken áni «Den v kalendare» dep atalady.

Navai mahabbat pen aiyrylysý taqyrybyndaǵy lirikalyq ánderimen belgili. Dýettiń tanymal týyndylarynyń biri — «Hochesh, ia k tebe priedý». Ol basqa oryndaýshylarmen de shyǵarmashylyq bailanys ornatyp, jeke ánderin shyǵarǵan.