kollaj: Tengrinews.kz
"Irina Kairatovna" tobynyń músheleri men Shiza laqapatymen belgili ánshi Ashat Jolshiev synǵa qaldy, - dep habarlaidy Tengrinews.kz.
25 mamyrda Almatydaǵy Balýan Sholaq atyndaǵy sport saraiynda "Irina Kairatovna" men Shiza-nyń kontserti ótken. Jeli qoldanýshylary "Irina Kairatovna" tobynyń múshesi Azamat Marklenov pen Ashat Jolshievtiń sahnadaǵy áreketin synady. Ánshiler sahnada boqaýyz sóz de aityp ketken.
Al ánshi Ashat Jolshiev Qazaqstannyń týyn adamdarǵa laqtyryp jibergen.
"Táp-táýir jigitter edi ǵoi. Sahnalyq mádeniet qaida ketti, jigitter?", - delingen Aqparat.kz Instagram-paraqshasyndaǵy jazbada.
Qoldanýshylar ánshiler mas dep topshylaǵan.
Sonymen qatar Jelide taraǵan videolardyń birinde "bári iship alǵany, kontsert onsha emes ótkeni jáne uiymdastyrý nashar bolǵany" jazylǵan.
Eskertý! Videoda beiádep sózder bar.
Artynsha ánshi Ashat Jolshiev týdy adamdarǵa laqtyrǵany qate bolǵanyn aityp, keshirim surady.
"Men týdy qorlaý úshin emes, erteń bir adamǵa estelik bolsyn dep oiladym. Sen de, men de pende! Artyq ketsem aiyp etpeńder!", - dedi Shiza.
