.webp)
Foto: gov.kz
Belgili qazaqstandyq boksshy Qamshybek Qońqabaev sporttan ketti, endi ol sharshy alańǵa qaityp kelmeidi, dep habarlaidy Ult.kz.
Belgili sportshynyń mansabyn aiaqtaǵany týraly Bokstan Ulttyq quramanyń bas bapkeri Qairat Sátjanov málimdedi.
Buǵan deiin de Qairat Sátjanov Qamshybek Qońqabaevtyń bokstan ketýi múmkin ekenin aitqan bolatyn.
"Ázirge Aslanbek Shymbergenov pen Qamshybek Qońqabaevqa qatysty jaǵdai túsiniksiz. Eger 13 qańtarda oqý-jattyǵý jiynyna kelmese, olar ulttyq quramadaǵy mansabyn aiaqtaýy múmkin dep oilaimyn. Al eger kelse, jumysty ári qarai jalǵastyramyz", - degen Qairat Sátjanov.
Qamshybek Qońqabaev 1991 jyly 18 qarashada Qyzylordada dúniege kelgen — qazaqstandyq kásipqoi jáne áýesqoi boksshy.
Ol bokstan álem chempionatynyń kúmis júldegeri. Birinshi aýyr salmaq dárejesinde óner kórsetken. Qazaqstannyń eńbek sińirgen sport sheberi, 2020 jylǵy Olimpiada oiyndarynyń qola júldegeri, Álem chempionatynyń eki dúrkin kúmis júldegeri, Aziia chempionatynyń úsh dúrkin kúmis júldegeri, Dúniejúzilik áskeri oiyndarynyń kúmis júldegeri, áskeri qyzmetshiler arasyndaǵy álem chempiony, Bolgariiada halyqaralyq týrnirdiń jeńimpazy, QR spartakiadasynyń chempiony, áýesqoilarda ulttyq birinshiliktiń chempiony jáne júldegeri.
Kásipqoilar arasynda , WBO Asia Pacific boiynsha 1-shi aýyr salmaqta Aziia-Tynyq muhity aimaǵynyń chempiony.
2020 jyldyń jeltoqsanyndaǵy jaǵdai boiynsha BoxRec reitingisindegi eń jaqsy pozitsiiasy 44-shi orynda jáne birinshi aýyr salmaq dárejesindegi qazaqstandyq boksshylar arasynda birinshi - búkil álemniń birinshi aýyr salmaǵyndaǵy úzdik boksshylardyń TOP 45-ke kiredi.
