Instagram jelisindegi jazbasynan keiin tanymal qazaqstandyq prodiýser Dana Ormanbaevaǵa qatysty qylmystyq is qozǵaldy, - dep habarlaidy "Ult aqparat" Almaty qalasynyń politsiia departamentine silteme jasap.
Prodiýser Instagram jelisindegi paraqshasynda ultaralyq arazdyqty qozdyrý belgileri bar storister jariialaǵan. Storisterdiń skrinshotyn buǵan deiin Kozachkov offside Telegram-arnasy jariialady.
Politsiianyń habarlaýynsha, Almaty turǵyny prodiýserdiń ústinen aryz túsirgen. Turǵyn óz shaǵymynda blogerdiń ultaralyq arazdyqty qozdyrý belgileri bar qorqytýlar men qorlaý sózderin jariialaǵanyn aitqan. Qalalyq politsiia departamenti fakt boiynsha qylmystyq is qozǵady. Basqa málimetter tergeý múddesi úshin jariialanbaidy.
