Tanymal mysyrlyq fýtbolshy, Mysyr qurama komandasynyń kapitany jáne britandyq «Liverpýl» klýbynyń shabýylshysy Mohamed Salah koronavirýs juqtyrdy, dep habarlaidy VVS.
Sportshynyń infektsiiaǵa shaldyqqanyn juma kúni Mysyr fýtbol qaýymdastyǵy málimdedi.
Uiymnyń habarlaýynsha, Salahta aýrýdyń eshqandai belgileri baiqalmaidy, koronavirýs juqtyrǵany onyń test nátijesinde anyqtaldy.
Mysyr quramasy Afrika ulttarynyń kýbogyna daiyndalyp jatyr. Senbi kúni komanda Togomen irikteý matchyn ótkizedi.
«Quramanyń basqa oiynshylarynda koronavirýs anyqtalǵan joq», - dep tolyqtyrdy qaýymdastyq.
«Salah Premer-liganyń biylǵy maýsymynda 13 match ótkizip, 10 gol soqty. Birneshe kún buryn ol baýyrynyń toiyna barǵan. Videoda shabýylshynyń qonaqtarmen qushaqtasyp, bilep jatqanyn baiqaýǵa bolady. Qonaqtardyń eshqaisysynda maska bolǵan joq. «Liverpýl» kelesi oiynyn «Lesterge» qarsy ótkizedi. Match 21 qarashaǵa josparlanǵan. Mo Salah «Liverpýldiń» mańyzdy oiynshysy, biraq onyń oiynǵa qatyspaýy komandany karantinge jatqyzyp qoiǵannan jaqsy», - dep jazdy VVS agenttigi.
