Almatyda dizainer Sábit Bisen-niń ólimine qatysty sot otyrysy ótip jatyr. Prokýror sottan aiyptalýshyny kináli dep tanyp, ony 12 jyl bas bostandyǵynan aiyrýdy surady, dep habarlaidy "Ult aqparat".
Dizainerdiń otbasy aiyptalýshyny 15 jylǵa qamaýdy jáne 10 million teńge moraldyq shyǵyn óteýdi surady. Prokýrordyń sózinshe, dizainerdi óltirgen S. Dúisenǵalievke 99-baptyń 1-bóligi boiynsha aiyp taǵylǵan.
«Men aiyptalýshynyń kinási dáleldendi dep esepteimin. Ony kináli dep tanyp, 12 jylǵa bas bostandyǵynan aiyrýdy suraimyn», - dedi prokýror.
Óz kezeginde,sottalýshy Sábit Bisen-niń jaqydarynan keshirim surady.
«Men otbasynan keshirim suraimyn. Ony qasaqana óltirý meniń oiymda bolǵan joq», - deidi sottalýshy Saǵynysh Dúisenǵaliev.
Eske salaiyq, qazaqstandyq dizainer 2020 jyldyń kúzinde kisi qolynan qaza tapty.
Aita keteiik, Sábit Bisen - tanymal streetwear-brendiniń dizaineri bolǵan. Onyń qazasy týraly dostary men áriptesteri áleýmettik jelide habarlaǵan edi. Is Almaty qalasynyń qylmystyq ister jónindegi mamandandyrylǵan aýdanaralyq sotynda qaralyp jatyr.
