Foto: QR MAM
Qazaqstannyń eńbek sińirgen qairatkeri, «Qurmet» ordeniniń iegeri, belgili akter ári rejisser Baltabai Seiitmamytulynyń ómirden ótýine bailanysty QR Mádeniet jáne aqparat ministrligi marqumnyń otbasy men jaqyn týystaryna, týǵan halqyna qaiǵyra kóńil aitty, dep habarlaidy Ult.kz.
Qaraly habardy vedomstvo resmi málimdeme arqyly jetkizdi.
Baltabai Seiitmamytuly sanaly ǵumyryn qazaq sahna ónerine arnaǵan biregei tulǵa retinde tanyldy. Ol Ǵabit Músirepov atyndaǵy Qazaq memlekettik balalar men jasóspirimder akademiialyq teatry men Muhtar Áýezov atyndaǵy Qazaq ulttyq drama teatry sahnasynda ulttyq ónerdiń altyn qoryna engen jarqyn obrazdar galereiasyn qalyptastyrdy.
Óner iesi klassikalyq jáne zamanaýi dramatýrgiiany tereń filosofiialyq paiymmen, biik akterlik mádenietpen somdap, qazaq teatr óneriniń damýyna eleýli úles qosty.
Ministrlik ókilderi Baltabai Seiitmamytulynyń jarqyn beinesi, bai shyǵarmashylyq murasy men ǵibratty ǵumyr joly halqymyzdyń jadynda máńgi saqtalatynyn atap ótti.
Marqumnyń jany jánnatta, imany salamat, topyraǵy torqa bolsyn.
