«Qazaqfilm» kinostýdiiasy balalar úiiniń tárbielenýshilerin kele jatqan Jańa jyl merekesimen quttyqtady. Bul jaiynda QR Mádeniet jáne sport ministrliginiń baspasóz qyzmetinen málim etti, dep habarlaidy "Ult aqparat".
Vedomstvo málimetinshe, búgin tanymal akter Farhat Ábdiraiymov bastaǵan «Qazaqfilm» kinostýdiiasynyń delegatsiiasy Almatydaǵy №1 balalar úiinde ótken Jańa jyldyq merekege qatysty.
«Farhat Ábdiraiymov balalardy kele jatqan Jańa jyl merekesimen quttyqtap, olarǵa «Qazaqfilm» kinostýdiiasynyń úzdik týyndylary jáne animatsiialyq filmderi kirgen antologiiasyn, Sh. Aimanov týraly kitaptar men tátti taǵamdardy tartý etti. Balalar úiiniń tárbielenýshileri Farhatpen sýretke tústi, - dep atap ótedi ministrlikten.
