QR Eńbek jáne halyqty áleýmettik qorǵaý ministri Berdibek Saparbaev «Eńbek resýrstaryn damytý ortalyǵy» AQ-nyń ujymyna jańa basshy Tamara Dúisenovany tanystyrdy, dep habarlaidy "Ult aqparat" ministrliktiń saityna silteme jasap.
Berdibek Saparbaev Tamara Dúisenovanyń áleýmettik-eńbek salasyndaǵy tiisti bilimi men mol tájiribesin atap ótip, birinshi kezekte turǵan birqatar máselelerdi mindettedi.
«Tamara Qasymqyzy áleýmettik-eńbek salasyn damytýǵa eleýli úles qosty, búgingi kúni eńbek naryǵynyń tiimdiligi men eńbek resýrstarynyń sapasyn arttyrý, áleýmettik jáne zeinetaqymen qamtamasyz etý, halyqty jumyspen qamtý, áleýmettik-eńbek salasyn tsifrlandyrý jáne el basshylyǵy qoiǵan basqa da tapsyrmalardy oryndaýda mol tájiribesi bar», - dep atap ótti ministr.
Tamara Dúisenova Tashkent halyq sharýashylyǵy institýtyn bitirgen. Ekonomika ǵylymdarynyń kandidaty. Ár jyldary jaýapty basshylyq laýazymdarda jumys istegen. Shymkent qalasy ákiminiń birinshi orynbasary, Ońtústik Qazaqstan oblysy ákiminiń orynbasary, QR Eńbek jáne halyqty áleýmettik qorǵaý ministrliginiń vitse-ministri, jaýapty hatshysy, QR Densaýlyq saqtaý jáne áleýmettik damý ministri, QR Eńbek jáne halyqty áleýmettik qorǵaý ministri, «Nur Otan» partiiasynyń hatshysy qyzmetterin atqardy.
Ortalyqtyń burynǵy basshysy Erbol Ospanov «ERDO» AQ-nyń birinshi vitse-prezidenti qyzmetine aýysty.
