Eńbek jáne halyqty áleýmettik qorǵaý ministri Tamara Dúisenova Qazaqstandaǵy kedeilik deńgeiine qatysty pikir bildirdi, - dep habarlaidy Tengrinews.kz agenttigi.
"Barlyq elde kedeilik bar. Ol absoliýtti kedeilik jáne salystyrmaly kedeilik bolyp keledi. Qazaqstanda salystyrmaly kedeilik. Sebebi jalaqy, áleýmettik tólemder, qajettilikter men baǵalar ósip jatyr. Bul árqashan osy deńgeiden tómen bolatyn adamdar sanatyn bólekteidi. Kedei el joq dep aitý múmkin emes. Adamdarǵa ýaqtyly qoldaý kórsetý arqyly ǵana kedeiliktiń aldyn alýǵa bolady. Biz sandyq kartany aldyn-alý úshin jasadyq. Qazir biz onyń saldarymen kóbirek kúresip jatyrmyz, al jumysynan aiyrylǵan otbasyna jumys tabýǵa nemese áleýmettik tólem berýge bolady", - dedi ministr Májilistegi Úkimet saǵatynyń otyrysynda.
Tamara Dúisenova bilimsizdikten áleýmettik kómekti az alatyn otbasylardyń jaǵdaiyna da toqtaldy.
"Men oblystardyń birine barǵanda kóp balaly otbasy retinde ai saiyn 110 myń teńgege jýyq járdemaqy alýy kerek bir kisi, 20 myń teńge kóleminde ataýly áleýmettik kómek alatynyn bildim. Endi kóbirek jumys aldyn-ala jasalady. Bizde Qazaqstanda 200-den astam zań bar, adamdar óz quqyqtaryn bilýi kerek", - dep túiindedi ministr.
