"Taliban" qozǵalysynyń ókili (Qazaqstanda tyiym salynǵan - eskert.) eldegi soǵys aiaqtalǵanyn jariialady, - dep habarlaidy RIA Novosti.
"Ál-Jazira" telearnasy efirinde "Taliban" qozǵalysy saiasi keńsesiniń resmi ókili Muhammed Naim Aýǵanstanda soǵys aiaqtalǵanyn málimdedi. Onyń aitýynsha, jaqyn arada eldegi basqarý formasy bekitiledi.
"Biz elimizde 20 jyl buryn bastalǵan bul soǵysty aiaqtadyq", - dedi Muhammed Naim.
Taliban ókili aýǵandar men eldegi diplomatiialyq missiialar qaýipsiz ómir súretinine kepildik beretinin aitty. Muhammed Naimniń sózine sensek, olar barlyq aýǵan basshysymen dialogqa daiyn jáne olardy qorǵaýǵa kepildik beredi.
Onyń aitýynsha, qozǵalys basqa memlekettermen bailanysyn saqtaidy jáne halyqaralyq qoǵamdastyqtyń qorqynyshyn seiiltýge daiyn.
Aita keteiik, "Taliban" sodyrlary Aýǵanstan astanasy Kabýlǵa kirip, prezident saraiyn basyp aldy. Olar is júzinde Aýǵanstan Islam Ámirliginiń qurylǵanyn jariialap, eldegi bilikti basyp aldy. Aýǵanstan prezidenti Ashraf Ǵani elden ketti.
