"Aýǵanstanda áielder ýniversitette erlerden bólek oqidy, musylmansha kiinýge mindettenedi", dedi 12 qyrkúiek kúni "Taliban" (Qazaqstanda terroristik uiym sanalady) qurǵan úkimettiń múshesi.
"Taliban" qurǵan aýǵan úkimetinde joǵary bilim ministri qyzmetin atqaratyn Abdýl Baqi Haqqani bul erejeni Kabýldaǵy baspasóz máslihaty kezinde málimdedi, dep habarlaidy Azattyq.
Tálipter Aýǵanstanda osyǵan deiin 1996-2001 jyldary bilik quryp, áielder quqyǵyn qatań shektegenimen kózge túsken. Olar áielderge bilim alýǵa, jumys isteýge, kóshege er adamsyz shyǵýǵa tyiym salǵan. Biraq 15 tamyzda Aýǵanstandy baqylaýǵa qaita alǵanyn málimdegen "Taliban" bul joly eldi basqasha basqaratynyn, áielder quqyǵyn shektemeitinin aitqan.
Haqqanidiń sózinshe, "Taliban" 20 jyl burynǵy kúige oralǵysy kelmeidi, búgingi jaǵdaiǵa súienip áreket etýdi kózdeidi.
Biraq áielder ýniversitetteri qazirdiń ózinde "Taliban" shekteýlerine tap bolyp otyr. Sol shekteýlerdiń biri – kiim úlgisi. Haqqani hidjab kiiý mindetti bolady dedi, biraq bul tek basty jabýmen shektele me, álde áielder júzin de jasyrýy kerek pe, ol jaǵyn naqtylamady.
Tálipter sondai-aq genderlik segregatsiia engizbek.
"Uldar men qyzdarǵa birge oqýǵa jol bermeimiz" dedi Haqqani.
Tálipter kelgeli kóptegen jerde synyp bólmelerin perdemen bólip úlgergen.
Haqqani ýniversitette oqytylatyn pánder de tekserýden ótetinin aitty, biraq munyń jai-japsaryn naqtylamady.
1990-jyldary "Taliban" shariǵattyń qatań sipattamasyn qabyldap, mýzyka men ónerge tyiym salǵan.
Keiingi aptada Kabýl men Aýǵanstannyń ózge óńirlerinde áielder tálipter men biligi men quqyqtarynyń taptalýyna narazylyq bildirdi. Aktsiialardyń keibirinde tálipter kúsh qoldanyp, narazy áielderge uryp-soqty, áýege qarata oq atty.
Jiyrma jyl partizan soǵysyn júrgizgen tálipter Batys kúshteri 1 mamyrda elden kete bastaǵanda shabýylyn údetip, tamyzdyń ortasyna qarai Aýǵanstannyń kóptegen aýdanyn basyp aldy. 15 tamyz kúni Kabýlǵa kirip, Aýǵanstandy baqylaýǵa alǵanyn aitty. Batys kúshteri 31 tamyz kúni elden tolyq ketip, 20 jyldyq soǵysty aiaqtady. AQSh bastaǵan áskeri koalitsiia elge 2001 jyly Niý-Iork pen Vashingtondaǵy lańkestik shabýyldan keiin basyp kirgen. Batys "Talibandy" lańkestik shabýyldy uiymdastyrǵan "ál-Qaida" uiymynyń jetekshisin panalatyp otyr dep sanady.
