Keiingi eki aptada "Taliban" qozǵalysy (Qazaqstanda tyiym salynǵan) Tájikstanmen shekarada shoǵyrlanǵan tájik sodyrlaryn jańa tehnika, qarý-jaraqpen qamtamasyz etken. Tájikstan arnaiy qyzmetindegi qupiia derekkózi 4 qazanda Azat Eýropa/Azattyq radiosyna osylai dep habarlaǵan.
Derekkóz sonymen birge "Taliban" Aýǵanstannyń Qytaimen shekarasyna jaqyn aýmaqtaǵy etnikalyq uiǵyr jasaǵyn sol mańnan shettetkenin aitty. Aýǵanstannyń soltústigindegi Badahshan provintsiiasyna shoǵyrlanǵan tájik sodyrlarynyń endi AQSh-ta jasalǵan qarý-jaraqtardy asynyp, jańa tehnikamen turǵany baiqalǵan.
Badahshandaǵy burynǵy áskeri qyzmetker bul aqparatty rastady. Tájikstan resmi oryndarynyń habarlaýynsha, buryn Kalashnikov avtomattary men eski júk kólikterin minip kelgen sodyrlardyń qolyna keiingi eki aptada jańa tehnika men jabdyqtar tigen. "Taliban" olardy tamyz aiynyń ortasynda aýǵan úkimetin basyp alǵan kezde iemdengen. Tájik jáne aýǵan derekkózderiniń aitýynsha, shekarada keminde 200 tájik sodyry bar.
