«Jolaýshylar tasymaly» AQ «Talgo» bilettiniń qymbat bolý sebepterin túsindirdi, dep habarlaidy QazAqparat.
«Bilettiń baǵasy qalai esepteledi? Búginde «Talgonyń» bir vagonyn kútý shyǵyndary 60 myń eýrony quraidy. Budan bólek, magistraldy joldarǵa, lokomotivtik tartýǵa, vokzaldyń sharýashylyq qyzmetterine ketetin shyǵyndar bar. Barlyq shyǵyndardy eskere otyryp, «Talgo» kommertsiialyq poiyzdaryna jol júrý quny shyǵarylady», - dedi «Jolaýshylar tasymaly» AQ bas direktorynyń orynbasary Qairat Asqarov QR Indýstriia jáne infraqurylymdyq damý ministrliginde ótken baspasóz máslihatynda.
Onyń aitýynsha, «Talgoǵa» tehnikalyq qyzmet kórsetý quny qymbat jáne baǵalardyń qurylýyn «Qazaqstan temir joly» kompaniiasy baqylaýda ustaidy.
«Sonymen birge, dinamikalyq baǵa saiasaty jumys isteidi. Eger «Tulpar-Talgo» biletterin erterek satyp alsańyz, tiimdi baǵaǵa alasyz. Bir apta buryn alynǵan biletter sáikesinshe qymbatqa túsedi. Áleýmettik mańyzy bar baǵyttar «Talgo» júretin baǵyttardy jaýyp tastaidy. Olardyń baǵasy arzan jáne memleket sýbsidiialaidy, iaǵni olardyń shyǵyndary tolyq jabylady», - dedi Q. Asqarov.
