QR Úkimetiniń qaýlysymen Talǵat Eshenqulov QR Bilim jáne ǵylym vitse-ministri bolyp taǵaiyndaldy, dep habarlaidy "Ult aqparat".
QR Bilim jáne ǵylym ministrliginiń Feisbýktegi paraqshasynda jariialanǵan málimetke sáikes, Talǵat Iliiasuly joǵary oqý jáne ǵylym salasyndaǵy máselelermen ainalysatyn bolady.
Talǵat Eshenqulov 1978 jyly Jambyl oblysynda dúniege kelgen.
1999 jyly M.Dýlati atyndaǵy Taraz memlekettik ýniversitetin, 2000 jyly «Qainar» ýniversitetin, 2010 jyly QR Prezidenti janyndaǵy Memlekettik basqarý akademiiasyn bitirgen. Ekonomist, zańger, memlekettik jáne jergilikti basqarý magistri, memlekettik jáne jergilikti basqarý baǵyty boiynsha doktor (PhD) biliktiligine ie. Qazaq, orys, aǵylshyn tilderin biledi.
Ol eńbek jolyn 1997 jyly Jambyl oblysynyń Taraz qalasyndaǵy «Alma» AQ-da bastaǵan, Jambyl oblystyq ádilet basqarmasynda, Qarjy ministrliginde, Bilim jáne ǵylym ministrliginde, Joǵarǵy keńeste, Qorshaǵan ortany qorǵaý ministrliginde, Esep komitetinde túrli laýazymdardy atqarǵan.
Taǵaiyndalǵanǵa deiin QR Bilim jáne ǵylym ministrligi Bilim jáne ǵylym salasyndaǵy baqylaý komitetiniń tóraǵasy qyzmetin atqarǵan.
