Foto: © 5region.kz
Talǵar aýdany Amangeldi aýylynda daladaǵy ájethanadan ul men qyz bala qutqaryldy, - dep habarlaidy Tengrinews.kz saity "Piatyi region" basylymyna silteme jasap.
Aldymen úsh jasar bala dárethanaǵa qulap ketken, ákesi ony 10 jastaǵy qyzynyń kómegimen qutqarýdy uiǵarǵan, biraq eki balasyn kótere almai, qutqarýshylardy shaqyrǵan.
"28 shildede saǵat 18:45-te Almaty oblysynyń Tótenshe jaǵdailar departamentine Talǵar aýdany Amangeldi aýylynda Ál Farabi kóshesiniń boiyndaǵy ájethanaǵa bala qulap ketkeni týraly habarlama kelip tústi", - delingen TJD habarlamasynda.
Oqiǵa ornynda qutqarýshylar mán-jaidy anyqtap, balalardy shuńqyrdan alyp shyqty.
"Oqiǵa ornyna jetkende 2020 jyly týǵan bala shuńqyrǵa (ájethana) qulap ketkeni, al ákesi ony qutqarý úshin 2013 jyly týǵan qyzyn arqanmen shuńqyrǵa túsirgeni anyqtaldy. Biraq ol eki balany shyǵara almaǵan. Saǵat 18:54-te úsh qyzmetker men TJD tehnikasynyń kúshimen balalar shuńqyrdan shyǵaryldy. Jedel járdem brigadasy alǵashqy meditsinalyq kómek kórsetti", - dedi qutqarýshylar.
