Almaty oblysynda kóshede kókpar tartqandar jergilikti turǵyndardyń ashýyn keltirdi. Bul joly ulttyq oiyn Talǵar kóshelerinde ótti, - dep habarlaidy Tengrinews.kz agenttigi.
Almaty irgesindegi shaǵyn qala turǵyndary kókparshylardyń bul áreketine narazy boldy. Oqiǵa kýágerleriniń aitýynsha, olar Talǵar qalasynyń kólik kóp júretin kóshelerinde jarysqan. Olardy kóliktiń kóptigi de toqtatpaǵan. Oqiǵa ornynan túsirilgen kadrlar men jergilikti turǵyndardyń narazylyǵy áleýmettik jelide jariialandy.
"Ádette, eldi mekenderde kókpar oinaýdy kópshilik aiyptaidy, biraq kótermeleitinder de tabylady. Bul jerde patriotizm, ulttyq dástúrlerge degen qurmetti pen qoǵamdyq tártip, qaýipsizdik arajigin ajyratý kerek. Sondyqtan jyldan jylǵa osyndai oiyndardy tarihi qalyptasqan egistikterde ótkizýge shaqyramyz", - delingen jazba sipattamasynda.
Politsiia málimetinshe, jarys 24 shildede keshke ótken. Alǵashynda kókpar jaqyn mańdaǵy baý-baqsha aimaǵynda uiymdastyrylsa, keiin jarys Talǵar kóshelerinde jalǵasqan.
"Saǵat 19:00-20:00 aralyǵynda Keńdala aýyly turǵynynyń 50 jyldyq mereitoiyna orai uiymdastyrǵan ulttyq kókpar oiynyna shabandozdar qatysty. Oiyndy ákimdik toqtatpady. Sharýashylyqtardyń biriniń aýmaǵynda bastalǵan atjarys baqylaýdan shyǵyp, Talǵar kóshelerine aýysty, onda atjarys kólik aǵynyna kedergi keltirip, qoǵamdyq tártipti buzdy", - dedi oblystyq DP baspasóz qyzmeti ókilderi.
Politsiia kókparǵa qatysqandardy anyqtaǵan. Olardyń 10-y ustalyp, QR ÁQBtK-niń 434, 593 jáne 614-baptary boiynsha jaýapkershilikke tartyldy.
