Almaty oblysynyń ákimi Amandyq Batalov 9 sáýirde Talǵar aýdanynyń aktivine jańa ákimdi tanystyrdy, - dep habarlaidy "Ult aqparat".
Jańa ákim bolyp Ryskeldi Sátbaev taǵaiyndaldy. Onyń kandidatýrasyn kezekti sessiia kezinde aýdandyq máslihat depýtattary da qoldady.
Talǵar aýdanynyń burynǵy ákimi Raihan Sadyqov ornynan ózge jumysqa aýysyna bailanysty bosatyldy.
Amandyq Batalov atqarlyǵan jumys úshin Raihan Sadyqovqa alǵys bildirdi jáne jańa ákimge tapsyrmalar berdi. Osylaisha, Almaty oblysynyń ákimi Talǵarda 252 kópqabatty úi baryn jáne olardyń onynda ǵana avtonomdy jylytý júiesi bar ekenin aitty. Osyǵan bailanysty basqa da úlerge ornatý jumystary júrgiziledi. Sonymen birge, Talǵar turǵyndary aýyzsý úshi jer beti jáne jer asty sý kózderin paidalanyp otyr. Al halyqtyń aýyzsýdy úzdiksiz paidalan alý úshin tolyqtai jer asty sý kózderine kóshirý boiynsha jumystaryn júrgizýdi qadaǵalaýǵa alýdy tapsyrdy.
Ryskeldi Sátbaev óz kezeginde osyndai senim tapsyrylǵanyn alǵysyn bildirip, turǵyn-úi kommýnaldyq máselelrdi sheshýige jinaǵan barlyq tájiribesin qoldanyp, ony basty orynǵa qoiatynyn málimdedi.
Ryskeldi Sátbaev Almaty oblysynda týǵan. 1984 jyly Almaty sáýlet-qurylys institýtyn ónerkásip jáne azamattyq qurylys mamandyǵy boiynsha támamdady.
2005 jyly T. Rysqulov atyndaǵy Qazaq ekonomika ýniversitetin halyqaralyq-ekonomist mamandyǵy boiynsha aiaqtady. Eńbek qyzmetin 1984 jyly Almaty qalasyndaǵy «Almatyoblkolhozstroi» tresiniń PMK-70 sheberi bolyp bastady. 1984 jyldan 1986 jylǵa deiin - KSRO Qarýly kúshteriniń qataryndaǵy áskeri qyzmetin ótedi. 1986 jyldan 1989 jylǵa deiin - Almaty qalasynyń «Almatyoblagropromstroi» Qurylys jónindegi memlekettik kooperativ birlestiginiń bas injeneri bolyp jumys istedi. 1989 jyldan bastap Almaty qalasynyń «Kazkinoremtehprom» respýblikalyq kóp profildi kásipornynyń proraby bolyp jumys atqardy. 1990 jyldan 1999 jyldar arasynda - «Kazkinokomplekt» AQ prezidenti. 1999 jyldan 2008 jyldar aralyǵynda - Almaty qalasynyń Medeý aýdany ákiminiń orynbasary, birinshi orynbasary. 2008 jyldan 2009 jylǵa deiin Qazaqstan Respýblikasy Premer-ministri keńsesiniń uiymdastyrýshylyq-inspektorlyq jumystary jáne aýmaqtyq damytý bóliminiń bas inspektory jáne Qazaqstan Respýblikasy Premer-ministri keńsesiniń uiymdastyrýshylyq-inspektorlyq jumystary jáne aýmaqtyq damytý bóliminiń bas keńesshisi laýazymyn qatar atqardy. 2009 jyldyń qyrkúieginen bastap Qaraǵandy oblysy ákiminiń orynbasary bolyp jumys istegen. Birqatar medaldarmen marapattalǵan.
Aita ketsek, buǵan deiin Almaty oblysynda jańadan eki aýdannyń - Kegen jáne Raiymbek aýdandarynyń ákimderi taǵaiyndalǵan bolatyn. Jańa aýdandar Raiymbek aýdanyn bólý jolymen qurylǵan edi.
