Almaty oblysynyń Tóńkeris aýylynda órtten zardap shekkenderge jańa úi salynady, dep habarlaidy QazAqparat.
Bul týraly Talǵar aýdanynyń ákimi Qaidar Ábdihanov málimdedi.
Órtengen páterlermen birge órtten aman qalǵan baspana da túgel súriletin boldy. Mamandar bolashaq qurylystyń jobasyn jasaýǵa kirisip ketti.
«Qarjy kólemi qajetti qurylys materialdary eseptelip bolǵan soń belgili bolady», - delingen Talǵar aýdany ákiminiń baspasóz qyzmetiniń habarlamasynda.
Esterińizge sala keteiik, 30 qarasha kúni Talǵar aýdanyna qarasty Tóńkeris aýylynda 8 páterli úi órtenip, 34 adam úisiz qalǵan bolatyn.
Almaty oblystyq tótenshe jaǵdailar departamentiniń málimeti boiynsha, úidiń órtenýine elektr jelisiniń qysqa tuiyqtalýy sebep bolǵan.
