Almaty oblysy Talǵar aýdanyndaǵy tas joldardyń birinde bir top er adam kókpar tartqan, dep habarlaidy "Ult aqparat".
IIM baspasóz qyzmetiniń málimetinshe, 14 tamyz áleýmettik jelilerge monitoring júrgizý barysynda Talǵar aýdany avtojoldarynyń birinde 10 adamnan quralǵan top kókpar ulttyq oiynyn oinap, sol arqyly kólik quraldarynyń jol qozǵalysyna kedergi keltirgeni túsirilgen beinejazba anyqtalǵan.
"Atalǵan derek Talǵar aýdanynyń PB-da dereý tirkeldi.
Tekserý barysynda oqiǵanyń 12 tamyz bolǵandyǵy anyqtaldy, qazirgi ýaqytta osy derek boiynsha QR ÁQBtK 434-babynyń 1-bóligi boiynsha ákimshilik is júrgizý bastaldy.
Is materialdary sotqa joldanylyp, onyń sheshimi boiynsha kináli tulǵalar qoldanystaǵy zańnama sheńberinde jaýapqa tartylady" - delingen vedomstvo habarlamasynda.
video: egovpress Instagram paraqshasy
