Taldyqorǵanǵa Pfizer vaktsinasynyń 46 800 dozasy jetkizildi, dep habarlaidy QazAqparat.
Bul vaktsinany birinshi kezekte 12 men 18 jas aralyǵyndaǵy oqýshylarǵa jáne júkti áielderge egý josparlanyp otyr.
Jalpy Almaty oblysynda ekpe alýǵa jatatyn 147 myń oqýshy men 34 myńǵa jýyq júkti, jáne emizýli balasy bar 44 300 áiel tirkelgen.
Aita ketý kerek balalarǵa vaktsina tek ata-analarynyń jazbasha ruqsatymen salynady.
Oblys ortalyǵyna arnaiy termoqoraptarmen jetkizilgen vaktsina -90 gradýsqa deiin muzdatatyn tońazytqyshtarǵa salyndy.
Ol jerden bilim shańyraqtaryna jáne emhanalarǵa teń taratylady.
Al bilim berý uiymdary men meditsinalyq uiymdardyń egý pýnkterinde pliýs 2-8°C temperatýrada 31 kúnge deiin saqtalady.
«Oblysta bizde 760 mektep bar. Barlyq mektepterde meditsinalyq pýnkter, ishinde alǵashqy kabinetter bar. Sol jerde jumys jasaityn meditsinalyq qyzmetkerlerge arnaiy oqýlar ótkizildi», - dedi Almaty oblystyq densaýlyq saqtaý basqarmasy basshysynyń orynbasary Láilá Serikbaeva.
