Foto: Orda.kz
Jetisý oblysynyń politseileri joǵalyp ketken 14 jastaǵy oqýshynyń denesin tapty, dep habarlaidy "Ult aqparat"oblystyq PD baspasóz qyzmetine silteme jasap.
"Politseiler men áskeri qyzmetkerlerden, eriktilerden turatyn izdeý toptary Tekeli qalasynyń syrtyndaǵy taýly jerden qyzdyń máiiti jerlengen oryndy anyqtady. Qazir sol jerde tergeý jumystary jalǵasyp jatyr" - delingen habarlamada.
Esterińizge sala keteiik, 28 jeltoqsanda Taldyqorǵan politseilerine 14 jastaǵy oqýshynyń joǵalyp ketkeni týraly aqparat kelip túsken. Jasóspirim qarasha aiynyń basynan beri sabaqqa qatyspaǵany belgili boldy.
"Politsiia jedel-izdestirý is-sharalaryn bastaǵannan keiin jasóspirim qylmystyń qurbany bolýy múmkin degen nusqany usyndy.
Is júzinde QR QK 99-babynda (Adam óltirý) kózdelgen qylmystyq is qozǵaldy. Keiinirek balanyń joǵalý faktisi boiynsha kúdikke ilingen, qazirgi ýaqytta qamaýǵa alynǵan anasy men ógei ákesin ustady. Tergeý jalǵasyp jatyr jáne erekshe baqylaýda" - delingen PD habarlamasynda.
