Búgin Taldyqorǵandaǵy I. Jansúgirov atyndaǵy Mádeniet saraiynda «Rýhani jańǵyrýǵa - jastyq jigermen» atty jas aqyndardyń respýblikalyq aitysy ótti, dep habarlaidy "Ult aqparat" Almaty oblysy ákiminiń baspasóz qyzmetine silteme jasap.
Oblystyq jastar saiasaty máseleleri jónindegi basqarmanyń uiymdastyrýymen Elbasynyń «Bolashaqqa baǵdar: rýhani jańǵyrý» atty baǵdarlamalyq maqalasyna orai ótkizilgen aitysqa elimizdiń túkpir-túkpirinen 14 pen 29 jas aralyǵyndaǵy on jas aqyn qatysty.
Aitys qonaqtary ári ádilqazy alqasy retinde Balǵynbek Imashev, Ainur Tursynbaeva, Serikzat Dúisenǵazy, Sara Toqtamysova, Jandarbek Bulǵaqovtar da Jetisý jerine keldi. Aitystyń ashylýynda oblys ákiminiń orynbasary Jaqsylyq Omar sóz sóilep, aitystyń mán-mańyzyna, rýhani jańǵyrýdaǵy úles-salmaǵyna toqtalyp ótti.
Sóz saiysynyń qorytyndysynda Bas júldege Batys Qazaqstan oblysynyń aqyny Muradym Mirlanov laiyq dep tanylyp, oǵan 500 myń teńgeniń sertifikaty usynyldy. 1 orynǵa Batys Qazaqstan oblysynan kelgen Talǵat Myqi, 2 orynǵa jetisýlyq jas aqyn Jalǵas Sadyq pen jambyldyq Áset Dúisembaev ie bolyp, olar tiisinshe 350 myń jáne 200 myń teńgeden aqshalai syilyqtarǵa qol jetkizdi. Ózge qatysýshylardyń barlyǵyna yntalandyrý syilyǵy retinde 75 myń teńgeden berildi.
