Taldyqorǵanda qoqys jáshiginen jańa týǵan sábidiń máiiti tabyldy. Jetisý oblysynyń politsiia qyzmetkerleri oqiǵanyń mán-jaiyn anyqtap jatyr, dep habarlaidy Sputnik Qazaqstan.
Politsiia departamentiniń málimetinshe, búgin tańǵy 7:00 shamasynda aýla sypyrýshy qoqys jáshiginen sábidiń máiitin tapqan. Quqyq qorǵaý organynyń qyzmetkerleri deneni saraptama jasaý úshin máiithanaǵa alyp ketti.
"Qazirgi tańda anyqtama daiyn emes. Óitkeni sarapshylar oqiǵa ornynan áli kelmedi. Tańǵy 7-de 7-shaǵynaýdannyń aýla sypyrýshysy kórip, politsiiaǵa habarlaǵan. Oqiǵa ornyna barsaq, shynymen de jańa týǵan balanyń máiiti jatyr. Kindigi kesilmegen. Qyz bala eken. Qazirgi ýaqytta anasyn anyqtaý jumystary júrgizilýde", – dedi oblystyq PD qyzmetkeri Ernar Saidildin.
Qazir oqiǵa ornynda politseiler jumys istep jatyr. Ázirge balany qoqysqa kimniń tastap ketkeni belgisiz.
Aita keteri, shaqalaqtyń denesi Taldyqorǵandaǵy 7-shaǵyn aýdandaǵy 17-úidiń qoqys jáshiginen tabylǵan.
