Búgin Ortalyq kommýnikatsiialar qyzmetinde QR Bas prokýratýrasy 1-qyzmet bastyǵynyń orynbasary Eldos Qilymjanov Óskemendegi tártipsizdik kezindegi faktilerdi aitty, dep habarlaidy QazAqparat.
«Bultartpaý sharalaryn qaita qaraý boiynsha jumys turaqty júrgiziledi. Bul rette adamdar zardap shekken jáne zalal keltirilgen qylmystarǵa belsendi qatysýshylar úshin eń qatań bultartpaý sharasy qoldanylatynyn naqty aita alamyz. Mysaly, Óskemen qalasyndaǵy jappai tártipsizdik barysynda azamat K. jáne R. esimdi turǵyn sóz bailasyp, avtokólikpen Respýblika alańyna kólik dóńgelekterin apardy. Olardy tártipsizdikke qatysýshylar memlekettik múlikti órteý úshin paidalanǵan. Budan ári, azamat K. «Vaz-2121» markaly politsiia avtokóligin órtep, 5 mln teńge kóleminde zalal keltirgen», - dedi Bas prokýratýra ókili.
Sonymen qatar ol taǵy bir jaǵdaida, Taldyqorǵan qalasynda azamat T. adamdar tobyndaǵy jappai tártipsizdikterdiń belsendi qatysýshysy bola otyryp, Politsiia basqarmasynyń ǵimaratyna kirip, 20 tapanshany urlap ketkenin aitty.
«Atys qarýyn alǵan azamat T. politsiia ǵimaratynda oq atýdy bastady», - dedi E. Qilymjanov.
