Taldyqorǵanda meshitterdiń birinen namaz kezinde aiaqkiim urlaǵan azamattyń áreketi beinekameraǵa túsip qaldy, – dep habarlaidy Polisia.kz portaly.
"Qalalyq politsiia qyzmetkerleri 29 jastaǵy jergilikti turǵyndy anyqtap, ustady. Kúdiktini beinebaqylaý kameralarynyń kómegimen anyqtaýǵa múmkindik týdy. Ustalǵan adam urlyqqa qatysyn joqqa shyǵarmaidy, kinásin moiyndap, jasaǵan isine ókinip otyr", – dedi Taldyqorǵan qalasy politsiia basqarmasynyń bastyǵy Ernar Shirbaev.
Atalǵan fakti boiynsha sotqa deiingi tergep-tekserý amaldary júrgizilip jatyr. Er adamǵa qatysty kelý týraly mindetteme protsessýaldyq májbúrleý sharasy tańdaldy.
