Almaty oblysy Qylmystyq ister boiynsha mamandandyrylǵan aýdanarylyq áskeri soty adam óltirý deregi boiynsha úkim shyǵardy. 2019 jyly jeltoqsanda óziniń basshysyn myltyqpen atqan kapitan 12 jylǵa sottaldy, dep habarlaidy "Ult aqparat".
Sottalýshy QR QK 99-baby, kisi óltirý jáne QR QK 287-baby zańsyz qarý saqtaý men tasymaldaý derekteri boiynsha kináli dep tanyldy. Sot úkimimen burynǵy áskeri 12 jylǵa bas bostandyǵynan airyldy. Ol óziniń jazasyn qaýipsizdik deńgeii joǵary mekemede óteitin bolady.
Esterińizge sala ketsek, 2019 jyldyń 26 jeltoqsanynda áskeri azamat óziniń qyzmettesin aýlasynda 16 kalibrli sholaq myltyqpen oq atyp, basynan jaralaǵan bolatyn. 36 jastaǵy jaraly azamatty jolai ótip bara jatqandar kórip jedel járdem shaqyrǵan. Kómek jetkenshe maior óz aýlasynda kóz jumǵan.
