Kórneki sýret: rayon.in.ua
Taldyqorǵanda 15 jastaǵy oqýshyny urlaý týraly aqparat rastalmady. Bala tabylyp, ata-anasyna tapsyryldy, dep habarlaidy "Ult aqparat" Polisia.kz Telegram arnasyna silteme jasap.
2 qańtarda Taldyqorǵan politsiiasyna 15 jastaǵy oqýshyny urlaý týraly habarlama kelip túsken. Málimdemede qalalyq shaǵyn aýdandardyń birinde kámeletke tolmaǵan bozbalany birneshe eresek er adam kúsh qoldanyp alyp ketken dep kórsetilgen, buǵan onyń bólesi kýá bolǵan.
"Politseiler jaqyn mańdaǵy turǵyn úi massivterin qarap shyqty, sonymen qatar qalanyń barlyq salynyp jatqan qurylys obektilerin tekserip, kóshedegi beinebaqylaý kameralaryn qarady. Sonymen qatar jedel ýákilder kámeletke tolmaǵan balanyń ata-anasynyń úiinen ózdiginen ketkeni týraly nusqany tekserdi. Nusqa aqyry kýágerdiń “urlaý” týraly qosymsha saýalnamasynan keiin rastaldy" - delingen habarlamada.
Jedel-izdestirý is-sharalary barysynda oqýshynyń ornalasqan jeri anyqtalǵan. Belgili bolǵandai, kámeletke tolmaǵan bala týystaryna, Sarqan qalasyna barǵan. Ony politsiia qyzmetkerleri sol jaqtan izdep taýyp, Taldyqorǵan qalasyna jetkizdi.
Jasóspirim ata-anasynyń úiine qaitaryldy.
