كٶرنەكٸ سۋرەت: rayon.in.ua
تالدىقورعاندا 15 جاستاعى وقۋشىنى ۇرلاۋ تۋرالى اقپارات راستالمادى. بالا تابىلىپ, اتا-اناسىنا تاپسىرىلدى, دەپ حابارلايدى "ۇلت اقپارات" Polisia.kz Telegram ارناسىنا سٸلتەمە جاساپ.
2 قاڭتاردا تالدىقورعان پوليتسيياسىنا 15 جاستاعى وقۋشىنى ۇرلاۋ تۋرالى حابارلاما كەلٸپ تٷسكەن. مەلٸمدەمەدە قالالىق شاعىن اۋدانداردىڭ بٸرٸندە كەمەلەتكە تولماعان بوزبالانى بٸرنەشە ەرەسەك ەر ادام كٷش قولدانىپ الىپ كەتكەن دەپ كٶرسەتٸلگەن, بۇعان ونىڭ بٶلەسٸ كۋە بولعان.
"پوليتسەيلەر جاقىن ماڭداعى تۇرعىن ٷي ماسسيۆتەرٸن قاراپ شىقتى, سونىمەن قاتار قالانىڭ بارلىق سالىنىپ جاتقان قۇرىلىس وبەكتٸلەرٸن تەكسەرٸپ, كٶشەدەگٸ بەينەباقىلاۋ كامەرالارىن قارادى. سونىمەن قاتار جەدەل ۋەكٸلدەر كەمەلەتكە تولماعان بالانىڭ اتا-اناسىنىڭ ٷيٸنەن ٶزدٸگٸنەن كەتكەنٸ تۋرالى نۇسقانى تەكسەردٸ. نۇسقا اقىرى كۋەگەردٸڭ “ۇرلاۋ” تۋرالى قوسىمشا ساۋالناماسىنان كەيٸن راستالدى" - دەلٸنگەن حابارلامادا.
جەدەل-ٸزدەستٸرۋ ٸس-شارالارى بارىسىندا وقۋشىنىڭ ورنالاسقان جەرٸ انىقتالعان. بەلگٸلٸ بولعانداي, كەمەلەتكە تولماعان بالا تۋىستارىنا, سارقان قالاسىنا بارعان. ونى پوليتسييا قىزمەتكەرلەرٸ سول جاقتان ٸزدەپ تاۋىپ, تالدىقورعان قالاسىنا جەتكٸزدٸ.
جاسٶسپٸرٸم اتا-اناسىنىڭ ٷيٸنە قايتارىلدى.
