Qazaqstan Respýblikasy Básekelestikti qorǵaý jáne damytý agenttiginiń Almaty oblysy boiynsha departamenti Taldyqorǵan qalasynyń prokýratýrasymen birlesip, memlekettik satyp alý salasynda jasalǵan sharttardyń zańdylyǵyna taldaý júrgizdi.
Taldaý nátijesinde "Taldyqorǵan qalasynyń turǵyn úi-kommýnaldyq sharýashylyq bólimi" jáne "Taldyqorǵan qalalyq jolaýshylar kóligi jáne avtomobil joldary bólimi» memlekettik mekemeleri «Taldyqorǵan Korkeitý» JShS-men zańsyz túrde kelisim sharttar jasaǵany anyqtaldy.
Atap aitqanda, atlaǵan memlekettik organdar "Taldyqorǵan Korkeitý" JShS-men sanitarlyq tazalaý, kóshelerdi jazǵy tazalaý jáne jýý, aialdamalardyń keshenderin kútip ustaý, saiabaqtar men shaǵyn baqtarǵa qyzmet kórsetý jumystary boiynsha memlekettik satyp alý arqyly kelisim shart jasaǵan. Alaida joǵaryda atalǵan qyzmetterdiń túrleri Qazaqstan Respýblikasy Úkimetiniń qaýlysymen bekitilgen Aktsiialarynyń (jarǵylyq kapitalǵa qatysý úlesteriniń) elý paiyzynan astamy memleketke tiesili zańdy tulǵalar jáne olarmen úlestes tulǵalar júzege asyratyn qyzmet túrleriniń tizbesine sáikes kelmeidi, iaǵni, kelisim shartta kórsetilgen jumystardy jasaýda atalmysh seriktestiktiń múmkinshiligi shektelgen. Sebebi, seriktestik aktsiialarynyń 100 paiyzy memleketke tiesili zańdy tulǵa bolyp tabylady. Sondai-aq, Kásipkerlik kodeksiniń normalaryna sáikes, memleket taýarlardy básekeles naryqta ótkizý konstitýtsiialyq qurylystyń, ulttyq qaýipsizdiktiń, qoǵamdyq tártipti, adamnyń quqyqtary men bostandyqtaryn qorǵaýdyń, halyqtyń densaýlyǵyn saqtaýdyń jai-kúiine teris yqpal etýi múmkin qyzmet salalarynda taýardy óndirýge jáne (nemese) satýǵa, satyp alýǵa nemese olardy paidalanýǵa memlekettiń airyqsha quqyǵyn zańmen bekitý jolymen básekelestikti shekteýge quqyly.
Atalǵan jumystar básekelestik aimaǵyna jatady jáne konstitýtsiialyq qurylysqa, ulttyq qaýipsizdikke, qoǵamdyq tártipti qorǵaýǵa, adamnyń quqyqtaryn jáne bostandyǵyn jáne halyqtyń densaýlyǵyna jaǵymsyz áser etpeidi, bundai jaǵdailar memlekettik organdardyń naryqtyq básekelestikke shekteý qoiǵandyǵynyń dáleli.
Memlekettik organdardyń joǵaryda kórsetilgen is-áreketteri jeke kásipkerler arasynda adal básekelestikti shekteýge alyp keldi. Osyǵan bailanysty departamentpen Taldyqorǵan qalasy prokýratýrasynyń talaby negizinde atalǵan memlekettik organdarǵa qatysty kelisim sharttardy buzý týraly nusqama shyǵarylyp, laýazymdy tulǵalar ákimshilik jaýapkershilikke tartyldy.
Gúlmira NAIMANOVA,
QR Básekelestikti qorǵaý jáne damytý agenttigi
Almaty oblysy boiynsha departamenti tergep-tekserý bóliminiń basshysy
