Taldyqorǵanda qazaq jýrnalistikasynda ózindik qoltańbasyn qaldyryp, quiryqty juldyzdai aǵyp ótken áriptesimiz Beisen Quranbektiń shaǵyn mýzeii ashyldy, dep habarlaidy "Ult aqparat".
Onda kásibi telejýrnalshynyń ár jyldary túsken sýretteri men kózi tirisinde tutynǵan qolsaǵat, shahmat taqtasy jáne figýralary, aikidoǵa arnalǵan sporttyq kiimderi men jabdyqtary qoiylǵan. Shaǵyn mýzeidiń ashylý saltanatyna jinalǵan azamattar Beisenniń tulǵalyq qasietterine toqtalyp, halyqqa adal qyzmet etkenin tebirene eske aldy. Ol ár qazaqtyń basyna túsken aýyrtpalyqty jan-júregimen qabyldap, taǵdyrdyń teperishin kórgen jandarǵa barynsha járdemdesýge tyrysatyn. Kózi tiri bolsa, Beisen Quranbek dál búgin 49 jasyn atap ótken bolar edi. Óz isiniń has sheberi Beisen Abaiuly Quranbektiń esimi jadymyzdan eshqashan óshpek emes.
Búgingi is shara barysynda marqumdy eske alýǵa arnalǵan Abai oqýlary baiqaýynyń jeńimpazdary anyqtalyp, tiisti marapattaryn aldy.
«Kókemiz bizdiń otbasynyń ǵana múshesi emes, búkil osy Qazaqstannyń, árbir otbasynyń múshesi boldy dep esepteimin. Ol – kisi árbir qazaqtyń qara domalaq balasyn baýyrym dep ótken adam. Eńbegimen, óziniń sondai meiirimdiligimen elge syily azamat boldy. Osyndai murajai óte kerek. Óitkeni ósip kele jatqan ár jańa býyn osy kisige qarap boi túzese, óte keremet bolmaq», - dedi B.Quranbektiń inisi Tólegen Samaiuly.
