Taldyqorǵanda er adam áieldi soqqyǵa jyqqan. Kýágerler bul oqiǵany videoǵa túsirip alǵan, - dep habarlaidy Tengrinews.kz agenttigi.
Video áleýmettik jelilerde 20 tamyzda jariialanǵan. Kadrlardan er adam kóshede otyrǵan áieldi birneshe ret urǵanyn kórýge bolady. Keiin ol ony ǵimaratqa kirgizýge tyrysady.
Jetisý oblystyq Politsiia departamenti ókili videodaǵy er adamdy izdeý jumystary bastalǵanyn aitty.
"Bul oqiǵa 20 tamyzda keshke Taldyqorǵandaǵy Qabanbai batyr kóshesinde, aqyn Sara kóshesine jaqyn mańda bolǵan. Qalalyq politsiiaǵa habar, aryz túsken joq. Bul derek boiynsha janjalǵa qatysýshylardy anyqtaýǵa baǵyttalǵan qajet is-sharalar uiymdastyryldy", - dedi vedomstvonyń baspasóz qyzmeti ókili.
Politsiia zardap shekken áiel men oqiǵa kýágerlerinen 102-ge habarlasýdy suraidy.
