Foto: ©️ Tengrinews.kz / Turar Qazanǵapov
Taldyqorǵan qalalyq politsiia basqarmasynyń bastyǵy ýaqytsha ustaý izoliatoryna qamaýǵa alyndy, dep habarlaidy "Ult aqparat" Jetisý oblysy Politsiia departamentiniń baspasóz qyzmetine silteme jasap.
Vedomstvo málimetinshe, ol oblys ortalyǵynyń 27 jastaǵy turǵynyn zorlady degen kúdikke ilingen.
"QR QK-niń 120-baby 2-bóligi (Qyzmettik mindetterin oryndaý kezinde jasaǵan zorlaý) boiynsha qylmystyq is qozǵaldy.
Barlyq mán-jailar qajetti saraptamalardy taǵaiyndaýmen sotqa deiingi tergep-tekserý barysynda zerdelenedi.
Qylmystyq isti tergeý QR IIM-niń erekshe baqylaýyna alyndy" - delingen habarlamada.
