Almaty oblysy ákimi Amandyq Batalov oblys ortalyǵynyń mańaiyndaǵy jańa turǵyn aýdandary men saiajailaryn aralap, olardyń damý josparymen, júrgizilip jatqan qurylys jumystarynyń barysymen tanysty.
Buǵan deiin de oblys ákimi qalanyń shetki aimaqtaryn birneshe ret aralap, qala basshylyǵyna barlyq qurylys jumystarynyń tiisti talaptarǵa sai bolýyn qadaǵalaýdy tapsyrǵan bolatyn. Bul joly aralaý Yntymaq aýylynan bastaldy.
Yntymaqta 400 gektardan astam jerde 2232 ýchaske bar desek, búgingi kúnge sonyń 521 ýchaskesinde úi salynǵan. Munda eki avtobýs baǵyty belgilenip, olar aýyldyń ortasynan júrip ótedi. Degenmen, aýqymdy aýyl úshin bul baǵyttyń jetkiliksiz ekenin aitqan oblys ákimi avtobýs marshrýttaryn turǵyndarǵa yńǵailap qaita qarastyrýdy, sondai-aq qoǵamdyq kólik júretin negizgi kósheni asfalttaýdy tapsyrdy.
Mundaǵy injenerlik-infraqurylym júrgizý qurylysyn «Stroiservis-97» JShS merdiger mekemesi atqarýda. Olar tartqan elektr kabelderi men baǵanalardyń ornatylýy oblys basshysynyń kóńilinen shyqqan joq, zaman talabyna sai jasalmaǵan. Álsiz tok júrgizý qajettigi, atap aitqanda telefon jelisin, internet jelisin tartý suranysy zerdelenbegen. Ákim ózine usynylǵan Yntymaq 1, 2 ,3 aýyldarynyń damý josparyndaǵy áleýmettik nysandardyń jobalary jaily surady. Mektep jobada bar, balabaqsha belgilenbegen. Berilgen jaýapqa kóńili tolmaǵan A. Batalov: «Bul máselelerdi osyǵan deiin de birneshe ret tapsyrǵanmyn. Áli eshqandai nátije joq. Eń aldymen osy aýylda qansha bala bar, olarǵa qansha oryndyq mektep, qansha orynǵa balabaqsha kerek dep eseptep, oilaýlaryń kerek qoi. Senderge eki apta ýaqyt beremin, osy aýyldardyń injenerlik-infraqurylymy - sýy, jaryǵy, joly, jaryqtandyrylýy, sol siiaqty mektep, balabaqsha siiaqty áleýmettik nysandary boiynsha jan-jaqty tolyqtyrylǵan jobalaryńdy ákelip kórsetetin bolasyńdar», - dedi.
Munan soń Jastar – 2 turǵyn aýdanynyń jaiymen tanysý kezegi keldi. Munda sý qubyrlaryn tartý jumysy ótken jyly aiaqtalǵan. Endi elektr jelilerin tartýǵa kirispek. Bul aýylǵa № 227 jáne № 27 avtobýstar baǵyttalǵan. Oblys ákimi A. Batalov aýyldyń avtobýs júretin negizgi kóshesin asfalttaýmen qatar, jaiaý júrginshi jolyn, aryq júielerin qosa qarastyrýdy eskertti. Negizgi kósheden basqa 13 kóshege de qiyrshyq tas tóselmek. Qala ákimi D. Shaltabaev Jastar – 3 atalatyn aýmaqtyń jer ýchaskeleri ázirge taratylmaǵanyn aitty. Osy oraida oblys basshysy A. Batalov: «Jastar – 3 turǵyn aýdanyn úlgili aýyl retinde jasaimyz, eń aldymen barlyq qajetti infraqurylymyn jobaǵa sáikes tolyq júrgizip baryp, turǵyn úi salýǵa ýchaskelerdi bóletin bolamyz», - dedi ol.
Kelesi kezekte atqarýshy organ ókilderi Qyzyltas saiajaiynyń aýmaǵyna keldi. Bul aýmaqta da problemalar jeterlik. Eń basty másele – saiajaidy qalamen jalǵastyratyn jalǵyz kópirdiń jaiy. Bul máseleden habardar oblys ákimi qala ákimdigine biyl jazdan qaldyrmai kópirdiń qurylysyn bastaýdy tapsyrdy. Qyzyltaspen qatar Shaiqorǵannyń da turǵyndary kóktem kezinde qyzyl sýdan qiyndyq kóretinderin de aitty. Oblys ákimi osyǵan bailanysty tiisti mekemeler basshylaryna tótenshe jaǵdailar júiesi boiynsha munda damba salýdy, biraq dambany sý shaiyp ketetindei emes, berik te sapaly etip jasaýdy eskertti. Saiajai turǵyndary koǵamdyq kóliktiń baǵytyn uzartý, jyly aialdama qoiý, qylmystyń, sonyń ishinde urlyqtyń jii oryn alýy, urlyq-qarlyqty boldyrmaý úshin beinebaqylaý kameralaryn ornatý siiaqty birqatar usynystaryn jetkizdi. Osy máselelerge qatysty qalalyq politsiia qyzmetine, qalalyq ákimdikke tiisti tapsyrmalar berildi. «Politsiia bólimshelerine barlyq jaǵdaidy jasadyq, materialdyq-tehnikalyq bazasyn nyǵaittyq, biraq jumystaryńda nátije joq. Qylmystyń ashylýy boiynsha eń tómengi kórsetkishtemiz. Esterińde bolsyn, politsiianyń reaktsiiasy qalanyń ortasynda bolǵan urlyq pen saiajaida bolǵan urlyqtyń ekeýine de birdei bolýy kerek», - dedi oblys basshysy politsiia qyzmeti basshylaryna qarata.
Osy rette Úitas saiajaiynyń turǵyndary da aýyz sýdan taryǵyp otyrǵandaryn aityp shaǵymdandy. «Bul máselege respýblikalyq biýdjetten qarjy bólinedi. Biraq biz ony kútip qarap otyrmai, oblystaǵy rezervtik qordan 200 mln. teńge bólip, qurylys jumystaryn bastai beremiz», - dedi A. Batalov. Sol siiaqty Úitas saiajaiynda bes jyl buryn salynǵan, qazir jumys istep turǵan meshittiń qujattarynyń áli kúnge rásimdelmeý qiyndyqtaryna qatysty da másele kóterildi. Oblys ákimi bul problemany sheshýge qalalyq ákimdikke úsh kún ýaqyt berdi.
Kóktal shaǵyn aýdany – qalanyń halyq jii qonystanǵan aýdandarynyń biri. Bul jerde de negizgi asfalt jolǵa ortasha jóndeý júrgizý, elektr jelilerin tartý jumystary aiaqtalmaǵan eki kóshedegi jumystary bitirý, jyly aialdamalar qoiý, túngi jaryqtandyrý máseleleri aityldy. Sol siiaqty oblys basshysyna jobalyq quny 116 mln. teńge bolatyn ortalyq saiabaqtyń jobasy tanystyryldy. Qarjynyń bólinýine qarai aýyl ishin gazdandyrýǵa kirisý kerektigi de aitylyp, aýyldyq dárigerlik ambýlatoriia salý, mádeniet úiin qaita jańǵyrtýǵa qatysty usynystar qoldaý tapty.
Aralaý sońynda kórgen-túigen nárseleri men bergen tapsyrmalaryn qorytyndylaǵan oblys ákimi A. Batalov:
- Qalanyń shetki aýmaqtaryn eń aldymen sýmen, elektr jaryǵymen qamtýǵa, negizgi kóshelerin asfalttaýǵa nazar aýdarý kerek. Olarǵa júretin qoǵamdyq kóliktiń júrý baǵyttaryn turǵyndardyń talaptaryn eskere otyryp, qaita qarańdar. Jyly aialdamalar qoiyp, sol jerge beinebaqylaý kameralaryn ornatyńdar. Ony eshkim buzyp-shaǵyp ketpeýi úshin baqylap otyrýǵa kameralar mindetti túrde kerek. Shetki aýyldardaǵy áleýmettik nysandar boiynsha naqty jobalaryńdy ákelip kórsetesińder. Atqarylǵan jumys boiynsha maǵan emes, halyqtyń aldynda esep beretin bolasyńdar, - dedi.
