Taldyqorǵan qalasyn dezinfektsiialaý jumystaryna áskeri bólimder tartylyp jatyr. 18/404 áskeri bóliminiń sarbazdary qaladaǵy kópqabatty úilerdi arnaiy ertindimen tazalaýda, dep habarlaidy "Ult aqparat".
Almaty oblysynyń ortalyǵynda 753 kópqabatty úi bar. Qalanyń kommýnaldyq qyzmeti barlyǵyn jyldam ýaqytta zalalsyzdandyryp shyǵýǵa qaýqarsyz. Sondyqtan Taldyqorǵan áskeri garnizonynyń jaýyngerleri kómekke keldi. Qazirgi tańda 18/404 áskeri bóliminiń 100 sarbazy «Shyǵys» yqsham aýdanyn aralap, ár úidi, ár kireberis pen ár qabatty natrii gippohlorid ertindisin shashyp, óńdep jatyr.
Buǵan deiin olar «Qaratal» shaǵyn aýdanynyń barlyq úilerin, aýlalaryn, balabaqsha men mektepterin zalalsyzdandyryp ótti. Aldaǵy ýaqytta shahar oratalyǵy men 1,2,3,4,5,6,7 shaǵyn aýdandaryna kirisedi. Ol kezde sarbazdar sany 150-ge jetip, basqa da áskeri bólimder tartylatyn bolady, dep atap ótti qala ákiminiń orynbasary Ashat Qaliasqarov.
