Almaty oblysy ákiminiń ókimimen Dastan Turarbekuly Shaltabaev Taldyqorǵan qalasynyń ákimi laýazymyna taǵaiyndaldy. Bul týraly oblys ákimdiginiń baspasóz qyzmeti habarlady.
Aita ketsek, Dastan Turarbekuly ShALTABAEV 1973 jyly týǵan. Qazaq memlekettik sáýlet-qurylys akademiiasyn, ál-Farabi atyndaǵy Qazaq ulttyq ýniversitetin bitirgen. Mamandyǵy – injener-qurylysshy, quqyq bakalavry.
Eńbek jolyn Almaty qalalyq tótenshe jaǵdailar jónindegi basqarmasy Jetisý aýdandyq bóliminiń jetekshi mamany bolyp bastaǵan.
Ár jyldarda Almaty qalalyq tótenshe jaǵdailar jónindegi basqarmasy Jetisý aýdandyq bóliminiń bas mamany, sektor meńgerýshisi, Almaty oblystyq bilim basqarmasynyń bastaýysh jáne orta kásiptik bilim, qurylys jáne jóndeý bóliminiń bas mamany, oblystyq qurylys basqarmasy bastyǵynyń orynbasary, QR Kólik jáne kommýnikatsiialar ministrligi Avtomobil joldary komiteti Almaty oblystyq departamentiniń bas mamany, Jambyl jáne Qarasai aýdandyq sáýlet jáne qalaqurylysy bólimderiniń bastyǵy, Almaty oblystyq qurylys basqarmasynyń bastyǵy, oblystyq sáýlet jáne qalaqurylysy basqarmasynyń basshysy, oblystyq memlekettik satyp alý basqarmasynyń basshysy boldy.
2017 jyldyń qańtar aiynan - Jambyl aýdany ákiminiń orynbasary.
Almaty oblysy ákiminiń ókimimen Baǵdat Ábilmájinuly Qarasaev basqa jumysqa aýysýyna bailanysty Taldyqorǵan qalasynyń ákimi qyzmetinen bosatyldy.
