Almaty oblysynyń epidemiologiialyq ahýal matritsasy boiynsha Taldyqorǵan qalasy «qyzyl» aimaqqa kirdi. Naýryz aiynyń basynan beri qalada koronavirýs juqtyrǵandar sany 433 jetken, dep habrlaidy "Ult aqparat".
Qalanyń bas sanitar dárigeri sáýirdiń 1-15 aralyǵynda karantin sharalaryn kúsheitý jóninde sheshim qabyldady.
Bul kúnderi oblys ortalyǵyndaǵy jumysshy sany 20-dan asatyn mekemeler men ujym qyzmetkerleriniń 70 paiyzy onlain formatta jumys isteidi.
Sondai-aq barlyq bilim mekemelerinde oqytý qashyqtyqtan júrgiziledi.
Demalys kúnderi lokdaýn jariialanyp, azyq-túlik pen qurylys materialdarynan basqa taýar satatyn saýda ortalyqtary, qoǵamdyq tamaqtaný oryndary jabylady.
Senbi, jeksenbi kúnderi saýyqtyrý oryndary men qoǵamdyq monsha, saýnalar, teatr men kinoteatrlar jumys istemeidi.
«Muǵalimder men oqýshylardyń arasynda eki aidyń ishinde 39 oqýshy koronavirýs infektsiiasymen naýqastandy, sondai-aq 17 muǵalim indet juqtyrdy. Sol sebepti biz mektepterdi onlain rejimge jiberip jatyrmyz» deidi qalanyń bas sanitar dárigeri Ermek Ásemqulov.
