الماتى وبلىسىنىڭ ەپيدەميولوگييالىق احۋال ماتريتساسى بويىنشا تالدىقورعان قالاسى «قىزىل» ايماققا كٸردٸ. ناۋرىز ايىنىڭ باسىنان بەرٸ قالادا كوروناۆيرۋس جۇقتىرعاندار سانى 433 جەتكەن, دەپ حابرلايدى "ۇلت اقپارات".
قالانىڭ باس سانيتار دەرٸگەرٸ سەۋٸردٸڭ 1-15 ارالىعىندا كارانتين شارالارىن كٷشەيتۋ جٶنٸندە شەشٸم قابىلدادى.
بۇل كٷندەرٸ وبلىس ورتالىعىنداعى جۇمىسشى سانى 20-دان اساتىن مەكەمەلەر مەن ۇجىم قىزمەتكەرلەرٸنٸڭ 70 پايىزى ونلاين فورماتتا جۇمىس ٸستەيدٸ.
سونداي-اق بارلىق بٸلٸم مەكەمەلەرٸندە وقىتۋ قاشىقتىقتان جٷرگٸزٸلەدٸ.
دەمالىس كٷندەرٸ لوكداۋن جارييالانىپ, ازىق-تٷلٸك پەن قۇرىلىس ماتەريالدارىنان باسقا تاۋار ساتاتىن ساۋدا ورتالىقتارى, قوعامدىق تاماقتانۋ ورىندارى جابىلادى.
سەنبٸ, جەكسەنبٸ كٷندەرٸ ساۋىقتىرۋ ورىندارى مەن قوعامدىق مونشا, ساۋنالار, تەاتر مەن كينوتەاترلار جۇمىس ٸستەمەيدٸ.
«مۇعالٸمدەر مەن وقۋشىلاردىڭ اراسىندا ەكٸ ايدىڭ ٸشٸندە 39 وقۋشى كوروناۆيرۋس ينفەكتسيياسىمەن ناۋقاستاندى, سونداي-اق 17 مۇعالٸم ٸندەت جۇقتىردى. سول سەبەپتٸ بٸز مەكتەپتەردٸ ونلاين رەجيمگە جٸبەرٸپ جاتىرمىز» دەيدٸ قالانىڭ باس سانيتار دەرٸگەرٸ ەرمەك ەسەمقۇلوۆ.
