Elimizde ákelerge arnalǵan Talbesik.kz atty qazaq tilindegi alǵashqy tanymdyq-tárbielik sait ashyldy.
Joba jetekshisi Azamat Bitannyń aitýynsha, qazirgi qazaq qoǵamy úshin tanymdyq-tárbielik baǵyttaǵy jumystardyń qajettiligi aiqyn sezilip otyr.
- Bul eń aldymen ózime degen qajettilikten týǵan dúnie. Qoǵamdyq jumys dep alaiyqshy. Kópten oida júrgen sharýa. Alǵashqyda baiqap kóremin. Eger saittaǵy materialdar kópshilik tarapynan jaqsy qabyldansa, ary qarai jalǵastyramyn.Biz ádette «damyǵan memleketter» degendi jii aitamyz. Sol damyǵan memleketterińiz qazir ata-ana, bala tárbiesine, jalpy otbasy taqyryptarynaerekshe kóńil bólip otyr. Osy baǵyttaǵy is-sharalarǵa qaraiǵan qarajatqarastyrǵan. Ol beker emes. Sebebi shańyraq shaiqalmasa, otbasynda súiispenshilik pen túsinistik, jaqyn jandardyń arasynda janashyrlyq bolsa ǵana sol áýlet kópke úlgi bolmaq. Ulttyq kod, qazaqtyń jadysy dep júrmiz. Sonyń barlyǵy otbasy, oshaq basynan bastaý alady.Mineki, osy baǵytta jumystanamyn. Ásirese Alash ardaqtylarynyń shyǵarmalaryna basa nazar aýdaramyn», - deidi joba avtory Azamat Bitan.
Atalmysh sait Alashtyń áldii, Pedagogika, Psihologiia, Tilashar jáne Alań atty barlyǵy 5 aidardan turady.
Sondai-aq, áke men bala taqyrybyn qamtityn «Ákemen áńgime» atty arnaiy joba bastaý alǵan. Áńgime barysynda qoǵam qairatkerleri men pedagogtar, ár salada belgili bir jetistikterge qol jetkizgen tanymal tulǵalar otbasy máselesinde óz tájiribelerimen bólisip, sheshimi qiyn saýaldarǵa jaýap beredi.
