Bilim jáne ǵylym ministrligi bilim berý boiynsha sapaly qyzmet kórsetpeitin joǵary oqý oryndaryn ońtailandyrý boiynsha jumysty jalǵastyrýda, dep habarlaidy "Ult aqparat" vedomstvonyń baspasóz qyzmetine silteme jasap.
Ministrliktiń málimdeýinshe, Qazaq eńbek jáne áleýmettik qatynastar akademiiasynda da belgili bir daiyndyq baǵyttary boiynsha bilim berý qyzmetin júrgizý quqyǵyna beriletin litsenziiaǵa qosymshalardyń qoldanylýy bir aiǵa toqtatylǵan (04.06.2020 j. bastap zańdy kúshine enedi).
Sonymen qatar Almaty qalasynyń mamandandyrylǵan aýdanaralyq ákimshilik sotynyń sheshimimen Shet tilder jáne iskerlik karera ýniversiteti «Gýmanitarlyq ǵylymdar», «Jaratylystaný ǵylymy pánderi boiynsha muǵalimderdi daiarlaý», «Pedagogika jáne psihologiia» siiaqty daiarlaýdyń birneshe baǵyty boiynsha litsenziiaǵa qosymshalarynan aiyryldy (08.06.2020 j.bastap zańdy kúshine enedi).
Al, qaitalap júrgizilgen memlekettik baqylaý nátijesi boiynsha 2020 jylǵy 18 mamyrda D. A. Qonaev atyndaǵy Eýraziialyq zań akademiiasynda litsenziiaǵa qosymshalardyń qoldanysy bir aiǵa toqtatyldy (29.05.2020 j. bastap zańdy kúshine endi).
«Budan deiin habarlaǵanymyzdai, 2021 jyldan bastap bilim týraly jeke úlgidegi qujattardy berý normasy engiziledi, iaǵni, memlekettik úlgidegi diplomdar bolmaidy. Diplomdar is júzinde joǵary oqý ornynyń tabystylyǵy men tanymaldyǵyn kórsetetin bolady», delingen habarlamada.
Osy oraida talapkerler mynadai aspektilerge nazar aýdarǵany jón:
– joǵary oqý ornynyń QS álemniń úzdik JOO reitingisinde jáne «Atameken» UKP júrgizetin bilim berý baǵdarlamasy reitingisinde alatyn orny;
– JOO-nyń mártebesi men akademiialyq bedeli;
– usynylatyn bilim berý qyzmetiniń sapasy.
Kadrlardy daiarlaýdyń ózekti baǵyttary men túlekterdiń jumysqa ornalasýy týraly aqparatty «Atameken» UKP-nyń bilim berý baǵdarlamalaryn baǵalaý qorytyndysy boiynsha jasalǵan reitingisin paidalana otyryp, alýǵa bolady. Reiting «Atameken» UKP men QR Bilim jáne ǵylym min
