Talapkerler tehnikalyq mamandyqtarǵa qyzyǵýshylyq tanytpaidy. Bul týraly Ǵylym jáne joǵarǵy bilim ministrligine qarasty joǵary jáne joǵary oqý ornynan keiingi bilim departamenti direktorynyń orynbasary Erjan Ámirbekuly málim etti, dep habarlaidy QazAqparat.
«Keshe respýblikalyq baiqaý komissiiasy óz jumysyn aiaqtady. Konkýrs qorytyndysy boiynsha memlekettik bilim grantynyń iegerleri anyqtaldy. Memleket bakalavriat boiynsha 75 myńnan astam grant bóldi. Qazirgi ýaqytta talapkerler arasynda pedagogika, stomatologiia, saiasattaný, halyqaralyq qatynastar siiaqty mamandyqtar tanymal. Al, mehanika, aýyl sharýashylyǵy, toqyma ónerkásibi tehnologiiasy salalaryna qyzyǵýshylyq tanytqandar az», - dedi Erjan Ámirbekuly.
Onyń aitýynsha, Memleket basshysynyń tapsyrmasy boiynsha biyl granttardyń 60 paiyzy tehnikalyq mamandyqtarǵa baǵyttalǵan.
Sonymen qatar Úkimet halyq tyǵyz ornalasqan aimaqtar men batys óńirlerinen ótinish bergen talapkerlerge qosymsha 10 myń grant bóldi.
Búginde onyń 2 myńnan astamy berilgen. Konkýrs komissiiasy qalǵan grantty bólý jumysymen ainalysyp jatyr.
Erjan Ámirbekulynyń málimetinshe, memlekettik bilim granttarynyń bir bóligi áli bólinbegen.
Olardy taǵaiyndaý - konkýrs komissiiasynyń quzyrynda. Resmi derekke sáikes, memlekettik grantqa 79 myńǵa jýyq talapker ótinish joldaǵan.
Qazirgi tańda talapkerlerdiń keibiri túrli sebeptermen óz grantynan bas tartqan. Olar basqa talapkerler arasynda bólinedi.
Eske sala keteiik, búgin memlekettik bilim granty iegerleriniń tizimi jariialanǵan bolatyn.
