تالاپكەرلەر تەحنيكالىق ماماندىقتارعا قىزىعۋشىلىق تانىتپايدى. بۇل تۋرالى عىلىم جەنە جوعارعى بٸلٸم مينيسترلٸگٸنە قاراستى جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸ ديرەكتورىنىڭ ورىنباسارى ەرجان ەمٸربەكۇلى مەلٸم ەتتٸ, دەپ حابارلايدى قازاقپارات.
«كەشە رەسپۋبليكالىق بايقاۋ كوميسسيياسى ٶز جۇمىسىن اياقتادى. كونكۋرس قورىتىندىسى بويىنشا مەملەكەتتٸك بٸلٸم گرانتىنىڭ يەگەرلەرٸ انىقتالدى. مەملەكەت باكالاۆريات بويىنشا 75 مىڭنان استام گرانت بٶلدٸ. قازٸرگٸ ۋاقىتتا تالاپكەرلەر اراسىندا پەداگوگيكا, ستوماتولوگييا, ساياساتتانۋ, حالىقارالىق قاتىناستار سيياقتى ماماندىقتار تانىمال. ال, مەحانيكا, اۋىل شارۋاشىلىعى, توقىما ٶنەركەسٸبٸ تەحنولوگيياسى سالالارىنا قىزىعۋشىلىق تانىتقاندار از», - دەدٸ ەرجان ەمٸربەكۇلى.
ونىڭ ايتۋىنشا, مەملەكەت باسشىسىنىڭ تاپسىرماسى بويىنشا بيىل گرانتتاردىڭ 60 پايىزى تەحنيكالىق ماماندىقتارعا باعىتتالعان.
سونىمەن قاتار ٷكٸمەت حالىق تىعىز ورنالاسقان ايماقتار مەن باتىس ٶڭٸرلەرٸنەن ٶتٸنٸش بەرگەن تالاپكەرلەرگە قوسىمشا 10 مىڭ گرانت بٶلدٸ.
بٷگٸندە ونىڭ 2 مىڭنان استامى بەرٸلگەن. كونكۋرس كوميسسيياسى قالعان گرانتتى بٶلۋ جۇمىسىمەن اينالىسىپ جاتىر.
ەرجان ەمٸربەكۇلىنىڭ مەلٸمەتٸنشە, مەملەكەتتٸك بٸلٸم گرانتتارىنىڭ بٸر بٶلٸگٸ ەلٸ بٶلٸنبەگەن.
ولاردى تاعايىنداۋ - كونكۋرس كوميسسيياسىنىڭ قۇزىرىندا. رەسمي دەرەككە سەيكەس, مەملەكەتتٸك گرانتقا 79 مىڭعا جۋىق تالاپكەر ٶتٸنٸش جولداعان.
قازٸرگٸ تاڭدا تالاپكەرلەردٸڭ كەيبٸرٸ تٷرلٸ سەبەپتەرمەن ٶز گرانتىنان باس تارتقان. ولار باسقا تالاپكەرلەر اراسىندا بٶلٸنەدٸ.
ەسكە سالا كەتەيٸك, بٷگٸن مەملەكەتتٸك بٸلٸم گرانتى يەگەرلەرٸنٸڭ تٸزٸمٸ جارييالانعان بولاتىن.
