«Halyqtyń súiiktisi» ulttyq premiiasy aiasynda bastaý alǵan «Talant show» videorolikter onlain baiqaýynyń sheshýshi kezeńi bastaldy.
Aǵymdaǵy jyldyń 11 maýsymynda bastaý alǵan onlain baiqaýǵa qatysqysy kelgender kóp boldy.
Alaida baiqaý sharttaryna sai kelmegen rolikter qatystyrylmady.
Uiymdastyrýshylar jazbanyń mazmuny men moraldy, etikalyq talaptarǵa sai bolýyna kóńil bólip, oryndaýshynyń tehnikalyq sheberligine baǵa beredi. Sondai-aq, videoǵa berilgen pikirler, laiyqty laiktar da esepke alyndy.
Búginde iriktelgen rolikterdiń ishinen júldeli úsh orynǵa laiyqtylary anyqtalýda.
Esterińizge sala keteiik, birinshi oryndy iemdengen beinerolik avtoryna 300 myń teńge syiaqy, ekinshi orynǵa 200 myń teńge, úshinshi orynǵa 100 myń teńge beriledi.
