Foto: © Sputnik / Vladislav Vodnev
Sondai-aq, júrgizýshilerdiń rólde 9 saǵattan artyq otyrýyna tyiym salyndy, dep habarlaidy Ult.kz.
"Búgin LIVE" baǵdarlamasyna suhbat bergen QR Kólik ministrliginiń respýblikaishilik Avtomobil tasymaldary basqarmasynyń basshysy Jádiger Tilegenniń aitýynsha, "Avtomobil kóligi týraly" zańǵa sáikes taksi tasymaldaýshylar eGov portaly arqyly ótinish berip, arnaiy tizimge engiziledi.
Onyń sózinshe, biyldan bastap jeke tulǵalar da resmi túrde taksi júrgizýshisi bola alady. Buǵan deiin mundai quqyq tek jeke kásipkerler men zańdy tulǵalarǵa berilgen edi.
Jeke tulǵalardyń zań talaptaryn oryndaýyn taksi shaqyrýǵa arnalǵan mobildi qosymshalar qadaǵalaidy.
Jádiger Tilegenniń aitýynsha, eger qosymshalardyń qyzmeti zańǵa sai bolmasa, olardyń jumysy shektelýi nemese baqylaýǵa alynýy múmkin. Bul baǵytta Kólik ministrligi men Ishki ister ministrligi birlesip tekseris júrgizip jatyr.
Ministrlik málimetinshe, 2024 jyly tek Astananyń ózinde 500-den astam zańsyz taksi júrgizýshisi ákimshilik jaýapkershilikke tartylǵan.
Júrgizýshini meditsinalyq tekserissiz nemese kólikti tehnikalyq baqylaýsyz jolǵa shyǵarǵany úshin 15,5 million teńge, al eńbek tártibin buzǵany úshin 78 million teńgeden astam aiyppul salynǵan.
