Óskemen qalasyna Tailandtan ushyp kelgen áiel jedel respiratorlyq virýstyq infektsiia belgilerimen aýrýhanaǵa jatqyzylǵan bolatyn, dep habarlaidy "Ult aqparat".
ShQO ákiminiń baspasóz qyzmetinen málim etkendei, patsient JRVI belgilerimen ambýlatoriialyq ortalyqtyń terapevtine júgingen. Anyqtalǵandai, ol osyǵan deiin Tailandta demalysta bolǵan.
«Tekserýden ótkizilgen áielden koranavirýs tabylmady. Meditsinalyq mekeme qyzmetkerleri bekitilgen algoritm men koronavirýstyq infektsiianyń aldyn alý jónindegi sharalardy kúsheitý týraly jarlyqqa sáikes áreket etti. Endi patsient 14 kún boiy úide karantinde bolady», - delingen málimette.
