Tailand biliginiń resmi habarlaýynsha, búgin Bangkoktyń birneshe aýdanynda 7 kishigirim jarylys bolǵan, dep habarlaidy "Ult aqparat" QR Syrtqy ister ministrliginiń baspasóz qyzmetine silteme jasap.
«Aldyn ala aqparatqa sáikes, birneshe qoǵamdyq orynda kishigirim jarylys tirkeldi, onyń ishinde úkimet ǵimarattary kesheniniń janynda, qonaq úilerdiń biriniń kireberisinde, metro stantsiiasynyń janynda, sondai-aq Bangkok kósheleriniń jaiaý júrginshiler aimaǵynda. Zardap shekkender men aýyr jaraqat alǵandar joq. Tańerteń kóshelerdi tazalap jatqan jergilikti kommýnaldyq qyzmettiń eki qyzmetkeri jáne bir jolaýshy jeńil jaraqat aldy» delingen habarlamada.
Zardap shekkender arasynda sheteldikter, onyń ishinde Qazaqstan azamattary joq. Basqa málimetter týraly habarlanbady.
«Qazirgi tańda Bangkoktaǵy QR azamattaryna qaýipsizdik sharalaryn, jergilikti bilik organdarynyń talaptaryn qatań saqtaýǵa jáne halyq kóp jinalatyn jerlerden tys bolýǵa keńes beremiz. Qandai da bir tótenshe jaǵdai týyndaǵan jaǵdaida, tez arada Qazaqstan elshiligine habarlasýy qajet» dep málim etti ministrlik.
