Tailandtaǵy Nakhonratchasima qalasynda sarbaz beibit halyqqa oq jaýdyryp, kem degende 12 adam qaza tapty, dep habarlaidy "Ult aqparat" BBC agenttigine silteme jasap.
Kishi ofitser Djakrafant Tomma óziniń komandirine shabýyl jasaǵan, odan keiin áskeri lagerden qarý men oq-dári alyp ketken. Sosyn býdda hramynda jáne jergilikti saýda ortalyǵynda adamdarǵa oq jaýdyrǵan, dep málim etti Tailandtyń ishki ister ministrliginiń ókili.
Ol qazir Terminal 21 saýda ortalyǵynyń tórtinshi qabatynda 16 adamdy kepil retinde ustap otyr, dep jazady osy eldiń TNA memlekettik jańalyqtar agenttigi.
Saýda ortalyǵyn politsiia qorshaýǵa alǵan, bul mańda kólik qozǵalysy shekteldi. Politsiia jergilikti turǵyndarǵa úiden shyqpaý jóninde eskertý jasady.
Tommanyń bul áreketke ne úshin barǵany belgisiz. Ol shabýyl kezinde áleýmettik jelige jazba jazyp otyrdy, sondai-aq oqyrmandarynan «berilýim kerek pe?» dep suraǵan.
Bangkok Post basylymynyń jazýynsha sarbaz atyp óltirgen komandirdiń esimi - Anantarot Krase. Áskeri lagerde ol sondai-aq 63 jastaǵy áiel men taǵy bir sarbazdy óltirgen.
Tailandtyń premer-ministri Praiýta Chan-Ocha oqiǵany baqylaýda ustap otyr. Ol marqumdardyń otbasyna kóńil aitty.
